مــزاين قبيلة المصـــــــــــــــاريــر بالصور.........

	بسم الله الرحمن الرحيم السلام عليكم ورحمة الله وبركاته اقيم خامس ايام عيد الاضحى المبارك ( مزاين قبيلة المصارير ) بخبة القرو فى نفود الدهناء تحت رعاية الشيخ : خفران بن متعب بن خفران المصارير والذى تكفل بالجوائز المقدمه بعد نهاية المزاين بعض ماكتب عن المزاين وقد تم عرض مزاين الشرف المجاهيم التي يتعزوون بها اهلها لاد الحبيبي مزاين اهل العشر قبيلة المصارير الدواسر على قناة رواسي على قمر نايل سات تردد 11075---275000 وقد بهرني بنجاحه وتنظيمه وقد فازت بالجائزة الاولى ابل محمد بن برجس المصارير وقد القيت قصائد رائعة في حفل مزاين المصارير ومن افضل ما القي لمحمد بن برجس المصارير ولم نحصل عليها مكتوبة الى الآن ومن القصائد الجزلة ايضا القصائد التالية: 1-في حفل مزاين قبيلة المصارير قال الشاعرمحسن بن فالح الشكره هذه القصيدة : يشرفني حضور مزاين إبل أهل الوفا والجود = مصاريرٍ مواقفهم على التاريخ محسوبه مصاريرٍ مناعيرٍ ليا هبت هبوب النود = هل العشر الركايب يوم نار الحرب مشبوبه مصاريرٍ بواتيعٍ ليا من حك عودٍ عود = هل النخوات والفزعات والأحداث مكتوبه مصاريرٍ قرومٍ ورعهم يتبع طريق العود = ليا من زعزعو لاد الحبيبي حلت الشوبه أسودٍ من عرين أسود وفهودٍ تظد فهود = وياكم من حريبٍ من وحمهم يعلن التوبه مصاريرٍ صناديدٍ لهم حوض الدرك مارود = سريعين الحمية لا ارسل ابن العم مندوبه مصاريرٍ ليا شان الزمان وشلهب العنقود = عطو كلٍ على ما قيل تقديره وماجوبه يحطون الشحم فوق الصياني وازرق الكمبود = زمانٍ فات يوم ان العرب في قل وصعوبه مصاريرٍ عنيفينٍ لا منه عنكب البارود = يغيب من السطر خيالهم في وسط غيبوبه قريبينٍ من الداعي بعيدينٍ عن المنقود = مقاديم الجموع أهل الدروع وكل مسلوبه مصاريرٍ بواليدٍ يقصون أظخم البالود = وسيعين المناحي يوم كلٍ ضاقت دروبه مدلهة القصير وينصرون الجالي المظهود = حماهم ما يداس ومن ينوشه ضاق به ثوبه مصاريرٍ عريبين السلوم معربين جدود = وكم شيخٍ تغدوبه وكم شيخٍ تعشوبه مصاريرٍ نزيهين الجناب وطيبهم مشهود = فناجيل متحديهم على ما قيل مشروبه وصلى الله على الهادي محمد والله المعبود = وخفران وبني عمه جميع الطيب فازوبه 2-من القصايد الرائعة التي القيت في مزاين المصارير القصيدة التالية لمحمد بن بداح المصارير: يالله يالمطلـوب ياعـالـم الخـفـى=ياعالـم بالـلـي وراء المنـطـوق انـك تقدينـا علـى طيـب العمـل=وانـك تكافينـا غثـى المطـفـوق وانك تبـارك فـي يمامـن يقودنـا=و انـه بعـزك دايـمـن مـرفـوق ويامرحبـا ترحيبـة فـي وجوبهـا=اعـداد مايوضـى السحـاب بـروق العود الازرق واشقر البـن والشحـم=بضيافـة اللـي للمـديـح يـلـوق خفران بن متعـب تنومـس فعايلـه=حـرن نتـل للنايـفـات سـبـوق الطيب ساسـه والجمايـل غرايسـه=وعليه من مطحـس شبـه ورمـوق ومطحس الى عديتنـا منـه خصلـه=تسـوا خزايـن طاقهـا المطـبـوق فذن نشـاء مافيـه كبـدن بتكرهـه=وزودن على حملـه يشيـل وسـوق ذكره بقى لو كـان واروبـه الثـرى=عسـاه فالجنـه مــع الـفـاروق هذا وانا لي منهجـن فـي مثايلـي=سقـت القريحـه بالمعانـي سـوق شاعر وأنا ربعـي تجمـل قصايـدي=أفعالـهـم فالواجـبـات تـشـوق لهم علي حقن كما كاشـف الضحـى=وعليهـم لـي فنايـبـات حـقـوق افخر بهم واطعن بهم مهجة العـداء=وافضى بهم حصـن عليـه غلـوق واضر بهم بحـرن عميقـن بقعـره=وارقى بهـم فـي نايـف الشاهـوق خزامتـن لمقرعـن فـيـه هــدره=وبلامـتـن لمشـودقـن بـشـدوق لآد الحبيبي غلمتـن ترهـق العـداء=يـوم النضـى والخيـل وام عـروق دقلاتنـا منهـا يشيـب رضيعـهـا=وتسـد عنـا بالصحـيـح حـلـوق منا هـل العشـر المسمـاة بلقـاء=يـوم الفسيحـة بالزحـول تضـوق ومنـا مشاهيـرن يخـلـد فعلـهـم=واللـي يزيـف حجـتـه مـزلـوق حـزام راعـي طعنتـن مشـهـوده=فعلـن فريـدن مـا هـو بمسبـوق رمحه فرى الخيال والغـوج وارتكـز=في صحصح البيداء فتـح مشقـوق وشبنان مقطع حق بالعـرف مقتـدر=شيخـن يـلا منـه هـرج موثـوق وفنجال من هابـوه بواجـة السـرب=شربـه طليفيـح رفـيـع الــذوق شربه وثبـت موقفـه يـوم اللقـاء=حـول بشيـخ القـوم حـام النـوق وهاجس صليب الراي والطيب مكسبه=فـي ساعتـن كـل بهـا مـزنـوق لحقه يبي ذبحه غريمن مـن العـداء=وفكـه بعـد مـا غيـر المنطـوق وهويمل مايهفـي ضميـره مادحـه=مفـراص مـاس صاطـن فـاتـوق وخوينا من دونـه الـروح تنجلـب=وان كبـرت البلـوى عليـه يـروق سعد المعيبيـل ان شرحنـا لقصتـه=شيئـن علـى كـل الخيـال يفـوق بلـوا بـلاه بهـا الزمـن وبليبهـا=طاح الخـوي مـن قلـة الموفـوق اقفى به الناعـور بالبيـر والرشـا=فـي ديرتـن ماتملـك المخـلـوق نخـاه ياسعـد المسمـاء بهمـتـك=السـاق مكسـوره كفيـت العـوق قـال انتظـرني لا تباطـا لجيـتـي=وأنـا عليـك مـن الحنيـن اتـوق قـرب ذلولـه ثـم قـدد لجلـدهـا=وحـدر عليـه واظهـره بـرفـوق هـاذي فعايلنـا و هـاذي ثبوتـهـا=واللـي يوقـف ضدهـا محـقـوق ماقلتها مـن شـأن حصـرن لعدهـا=لا شـك نرقـا بالفضـايـل فــوق تاريخنـا مافيـه حـيـن بيجهـلـه=يكون مـن جوفـه غشـاه حـروق تغالبـن ماهيـب مـن تـرك تاجـر=متسلسـه مـن ساسهـا الموثـوق ساسن له الابطـال ترجـع وتنتمـي=من سابـق الدنيـا وهـو مرمـوق من صلب عدنان من أسيـاد وائل =لا هـوب لا هافـي ولا مـسـروق ماغاضنا من دوّن الزيـف بالخفـى=يبـي يـطـول بالـكـلام عـنـوق واللي يتخبـط بالـوراء دوم جاهـل=عليـه مـن كـل الجهـات فتـوق ومن سحب المحراث كثرت عوايقـه=وجاتـه عراقيـل الزمـان صفـوق واللي معه توفيـر هرجـن وسايقـه=يطلـع ويكشـف رأسـه المحلـوق أما قنـع بالحـق وارتـاح خاطـره=ولا كـوي فـي ثومـة المعـلـوق والصدق يبقـى والتصنـاع ذاهـب=لـو كـان أنـا بالأمثلـه مسبـوق والضلع ماهزه صفيرن مـن الهـواء=ياللي تبـي طمـس الحقايـق فـوق ( زايد وتغلـب ) عزوة دوسريـه=قبيلـتـن ماتقـبـل المـفـهـوق قبيلتـن فـي نجـد قـادة جموعهـا=وترسي إلا مـن جـاء هواهـا دوق وتـرى القبيلـه عزهـا بالتحامهـا=و لا التـفـرق للقبيـلـة عــوق ودام القبيله شورهـا فـي خيارهـا=العـز فيهـا يسـتـوي مـفـروق يومن ذيابة نجـد تنهـش لحومهـا=مافيـه لا عـاتـق و لا معـتـوق الصـف واحـد والقبيلـه وحـدهـا=دون الجـهـام يــورد المـذلـوق ودون الديار اللـي وسيعـن حدهـا=فيهـا الغـروس المايلـه بـعـذوق دارن بها الخايف مريحـن و آ مـن=بالضلـع و لا فـي دمـآث عـروق والجار فيها حق توسم لـه العصـى=ومتيهـن فيهـا بــدون رفــوق دارن حمتهـا لا بـتـن تستحقـهـا=ياما حمي مـن دونهـا مـن سـوق والدار عـذراء والنشامـا تصونهـا=كلـن يرافـي ثوبهـا المشـقـوق وياشينهـا لا كثـروا فـي فتوقهـا=وكلـن يقـول أنـا لهـا المعشـوق مبداء عبث وأصل العبث من نقوصها=هومهنة الجاهـل هـواء الممحـوق وقتـن عجيبـن كاثراتـن غرايبـه=هـد الغـراب وكـوش الغـرنـوق في ظل حكمـن نطلـب الله يحفظـه=مـن كـل غـارات الزمـان وبـوق ولكم تحيااااااااااااااااااتي

ماشاء الله
ماشاء الله
سلمت يمينك ياسنايدي ابو الزير هادي على هذا الموضوع المصور الرائع
والذي كنت افكر فيه منذ فترة طويلة الله لايحرمنا منك ومن ابداعاتك وبيض الله وجهك
انشهد انك بطل لاعدمتك يالغالي
اخوك /مبارك الدوسري

	ياهـــــــــــــــــــــلا بأبوعبدالعزيز وماعليك زود طال عمــــــــــــــــــــرك وتسلم على مرورك الرائع ............ودمت بصحه وعافيه

عافاك الله ياالنشمي

	هــــــــــــــــلا والله بابوناصر وتسلم على مرورك الكريم

مشكور يابو هادي على الموضوع المميز

حياك الله يابوفيصل وتسلم على مرورك الكريم

	بيض الله وجهك يابو هادي بس المشكلة الصورماطلعت اخوك اهل العشر

	والله مبدددددددددددددددع

مرحبا بأهل العشر
ونأسف للمشكلة التي طرأت على الصور وهذا يعود بسب مركز تحميل الصور
وتفضل الان وشاهد الموضوع بالصور
وتسلم على مرورك وملاحظاتك القيمه
ولك تحيااااااااااااااااااتي